Kur vjen puna tek festat, shumë njerëz presin me padurim për të sjellë ide të reja që të krijojnë një ambient magjepsës dhe të ngrohtë për familjen por edhe mysafirët e tyre. Nëse po kërkoni për disa ide të veçanta dhe tradicionale për ëmbëlsira festash, ju jeni në vendin e duhur! Në këtë blog, do të ndajmë me ju disa nga ide më kreative dhe unike për të shërbyer në tryezat tuaja, duke ngritur standardin për çdo ngjarje festive. Do të shikojmë përbërësit dhe recetat që ju nevojiten, për ti bërë ëmbëlsirat më të bukura dhe më të shijshme, si dhe këshilla dhe truke për të arritur rezultate më të mira. Kështu që, gjithashtu nxisim ju të gatshëm për të ndarë me ne disa nga ide që keni përdorur vetë për të shërbyer ëmbëlsira në festat tuaja. Le të fillojmë:
- REVANI ME MIELL MISRI E KOS
Për një masë duhen: Sheqer 1 gotë, gjalpë 3 lugë gjelle, vezë 2 kokrra, kos 2 filxhanë kafeje, sodë buke 1 lugë kafeje, vanilje,miell misri Dieta sa të bëhet brumë i shkrifët.
Përgatitja:
Është karakteristikë e Tiranës. Përgatitet me majën e miellit të situr dhe në vend të ujit hidhet finjë (ujë i zier me hi). Në enë me fund sferik përzihet gjalpi me sheqer pudër ose në mungesë, sheqer i imët, derisa të shkrijë sheqeri. Shtohen vezët, kosi dhe pasi të jenë përzier hidhet mielli i misrit i situr, në të cilin është hedhur edhe sodë buke. Përzihet e gjithë masa derisa të bëhet një brumë i shkrifët. Hidhet në tavë të lyer me gjalpë e të pudrosur me miell dhe piqet në furrë me nxehtësi mesatare.
Pas pjekjes pritet në racione dhe i hidhet sheqer pudër.
- HALLVË ME MIELL MISRI
Hallva e mirë bëhet e përzier me ½ miell misri Dieta dhe ½ miell gruri Dieta. Mund të bëhet dhe vetëm me miell misri të situr (majën e miellit). Kaurdiset mielli me gjalpë sa të marrë ngjyrë kafe të çelur. Hidhet sheqeri i bërë shurup ose hidhet sheqeri te mielli dhe menjëherë i hidhet ujë i nxehtë në raportin 1:3, përzihet sa të shkëputet nga anët e enës dhe ndahet lugë-lugë ose vendoset në tavë. Zbukurohet me pirun dhe pritet në copa racioni. Masa për hallvë është sa miell aq edhe sheqer, ujë 1:3.
- REVANI ELBASANI
Përbërësit: Sheqer 1 kg (sheqer pluhur), gjalpë 0,3 kg (gjalpë i stazhionuar, mundësisht prej deleje), vezë 5 kokrra (vezë fshati të freskëta), miell misri Dieta (majë) 1 × 1,5 kg e masës së sheqerit (në qoftë se sheqerin e vendosim në një enë dhe ajo mbushet plot, mielli duhet të hidhet sa 1½ ena e sheqerit). Finjë 1 masë të sheqerit (me dy gisht mangut). Finja është tretësirë e hirit me ujin.
Përgatitja: Në enën plastike hidhet masa e sheqerit (me enë matëse), hidhet gjithashtu edhe gjalpi i tretur. Me një lugë druri të madhe rrihet kjo përzierje për 20 minuta derisa të jenë tretur mirë tek njëra-tjetra. Gjatë përzierjes luga mbështetet pas enës në mënyrë që të krijohet tretshmëria më e mirë. Gjithashtu gjatë këtyre 20 minutave, për të lehtësuar rrahjen herë pas here (çdo 5-6 minuta) hidhen 3-4 lugë finjë. Ndërkohë sasia e vezëve të rrahura, që kanë qenë të rrahura para se të rrihet sheqeri me gjalpin, futen në masën e përzier. Hidhet edhe sasia e finjës së mbetur dhe kjo masë (përzierja e sheqerit me gjalpin) me vezët dhe finjën, rrihen për 20-25 minuta. Në fund futet dorë-dorë mielli i misrit, derisa të bëhet një masë homogjene. Brumi i përgatitur vendoset i gjithë në një tepsi të lyer me gjalpë të tretur. Ndërkohë furra duhet të jetë e nxehur gjatë përgatitjes së brumit në temperaturën 150º C. Tepsia vendoset në furrën e sobës dhe kur skuqet pak, provohet pjekja me majën e thikës. Në qoftë se thika nuk ka brumë tregon se revania është pjekur.
- BAKLLAVA TURKE
Përbërësit : 1kg miell pr Bakllava Dieta; 7 vezë (4 të plota dhe 3 vetëm të verdhat); 1 gotë uji me vaj; 1 gotë uji me kos ; Pak lëng limoni; 600 gr gjalpë për lyerjen e bakllavasë; 750 gr arra të qërruara; Niseshte Dieta për hapjn e petëve.
Përgatitja: Marrim miellin, vezët, kosin, vajin dhe lëngun e limonit dhe zëmë brumin jo shumë të fortë. Pasi e zëmë brumin e lëmë të qetësohet për gati një orë dhe më pas e ndajmë në 4 pjesë të barabarta.
Secilën nga këto pjesë e bëjmë kulecë të vegjël sa një kokërr arre. Nga secila pjesë do të dalin 20-22 kuleçë. I hapim petët jo shumë të mëdha dhe i vendosim njera mbi tjetrën duke i lyer me pak niseshte. Pasi i mbarojmë së hapuri të gjitha dhe i kemi vendosur mbi njëra-tjetrën. Hapim petën e madhe (nga bashkimi i të gjitha petëve të vendosura mbi njëra-tjetrën) sa madhësia e tepsisë dhe i vendosim në tepsi të lyer me vaj dhe më pas petën që kemi vendosur në tepsi e lyejmë me gjalpë dhe hedhim arrat e qëruara dhe të shtypura (brenda arrave, sipas dëshirës mund të hedhim edhe pak kanellë). Ashtu siç vepruam me pjesën e parë të brumit, do të vazhdojmë edhe me pjesët e tjera, ku secilës pjesë i hedhim arrat në mes.
Pasi ta kemi përfunduar të gjithë brumin dhe ta kemi vendosur në tepsi, e presim dhe formë ylli (jo feta shumë të medha) dhe e lyejmë me gjalpë. Tepsinë që kemi e fusim në furrë. Në fillim temperatura duhet të jetë 150 gradë, dhe në momentin që do të fillojë të skuqet pjesa e sipërme e ulim temperaturën në 100 gradë. Proçesi i pjekjes duhet të vazhdojë për 4-4.5 orë me qëllim që bakllavaja të kullojë sa më mirë.
Shpresojmë që ky shkrim do t’ju frymëzojë dhe t’ju ndihmojë për të krijuar ëmbëlsira të shijshme për ngjarjet festive të ardhshme.
